Extrait: ...35 Amer et m'esjoir de fait D'avoir ami si a mon vueil, Bon, noble et preux, qui het tort fait, Ne qui n'a riens de contrefait, Bel, jeune et doulz, plaisant a l'ueil, 40 Franc, courtois et de doulz accueil, Si bon que ou monde n'a si fait Humain, tres humble, sanz orgueil; Si puis dire, nul n'en ait dueil, Cil qui tout bien met a effait. 45 Et, se m'amour vous doy nommer N'ami clamer Et reclamer, Sachiez que j'en fais mon devoir Si bien qu'on ne m'en doit blasmer; 50 Car affermer Et confermer Amours a fait par estouvoir Mon cuer en vous, si que mouvoir Pour nul avoir 55 Cellui vouloir Je ne pourroie. Ains a la mer Osteroie trestout l'amer; Doulcour avoir, Et remouvoir 60 Li feroie et s'iaue toloir Entierement, et reprimer Son flo que l'en voit escumer, Toute semer Et enflammer 65 S'arene, et que fable fust voir, Le monde de nouvel former, Fondre, entamer Et refformer Pierres dures, et feu plouvoir, 70 Les estoilles toutes ardoir, Que main fust soir, Sans desmouvoir Tout l'umain siecle consommer, Paistre le monde, et affermer 75 Et apparoir Que blanc fust noir Feroie, aincois que desmouvoir Me peusse de vous amer. Car vous estes la joye 80 Qui me resjoye Et avoye A tout bien, Ne sanz vous ne pourroie Et ne vouldroie 85 Ne saroie Valoir rien, Et pour ce a vous emploie Toute et ottroye L'amour moye; 90 Car scay bien Que vous estes la voie Qui me ravoie, Ne m'esjoye Aultre rien, 95 Et c'est ce qui m'apoye Ou que je soye, Mais que voie Vo maintien. Si n'en cuide estre deceue, 100 Car je me suis apperceue Que vous m'amez de cuer entier; Car par long temps m'avez sceue Et quant j'ay bien l'amour sceue, Qui n'est pas depuis avantier 105 Encommenciee, et que mestier Vous estoit que fust receue Vostre amour ou pou exploitier Postes long temps par nul sentier, Lors fu vostre amour conceue 110 En moy qui si bien m'a sceue Que mon cuer de joye est rentier. Car par seulement la veue Avoir de vous je suis peue De quanque on pourroit souhaidier 115...